ਪੰਜਾਬੀ ਗਾਇਕ ਮਾਂਗਟ ਸਾਬ ਦਾ ਸਿੰਗਲ ਟਰੈਕ ‘ਸੋਂਹ ਰੱਬ ਦੀ’ ਨੂੰ ਮਿਲ ਰਿਹੈ ਸਰੋਤਿਆਂ ਦਾ ਪਿਆਰ
ਫਗਵਾੜਾ 7 ਜਨਵਰੀ ( ਸੰਦੀਪ ਡਰੋਲੀ ) ਪੰਜਾਬੀ ਗਾਇਕ ਮਾਂਗਟ ਸਾਬ ਜੋ ਕਿ ਪਹਿਲਾਂ ਵੀ ਆਪਣੇ ਕਈ ਸੁਪਰ ਹਿਟ ਗੀਤਾਂ ਨਾਲ ਚਰਚਾ ਵਿਚ ਰਹੇ ਹਨ, ਉਹਨਾਂ ਦਾ ਨਵਾਂ ਸਿੰਗਲ ਟਰੈਕ ‘ਸੋਂਹ ਰੱਬ ਦੀ’ ਸਰੋਤਿਆਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ। ਇਸ ਗੀਤ ਨੂੰ ਜੀ.ਆਰ.ਐਮ. ਇੰਟਰਟੇਨਮੈਂਟ ਕੰਪਨੀ ਵਲੋਂ ਰਿਲੀਜ ਕੀਤਾ ਗਿਆ ਹੈ। ਕੰਪਨੀ ਦੇ ਮੈਨੇਜਰ ਸੋਮਨਾਥ ਨੇ ਦੱਸਿਆ ਕਿ ਗੁਰਮੀਤ ਮਹਿਮੀ ਨੇ ਬੜੀ ਰੀਝ ਨਾਲ ਗੀਤ ਨੂੰ ਤਿਆਰ ਕੀਤਾ ਹੈ। ਜੋ ਕਿ ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਚੱਕਦੇ ਸਮੇਤ ਹੋਰ ਅਨੇਕਾਂ ਚੈਨਲਾਂ ਤੋਂ ਇਲਾਵਾ ਸੋਸ਼ਲ ਮੀਡੀਆ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਗੀਤਕਾਰ ਦੀਪ ਕੱਸੋਆਣਾ ਦੀ ਕਲਮ ਦੀ ਰਚਨਾ ‘ਸੋਂਹ ਰੱਬ ਦੀ’ ਨੂੰ ਮਾਂਗਟ ਸਾਬ ਤੇ ਐਮ.ਜੀ. ਨੇ ਸੁੰਦਰ ਸੰਗੀਤ ਨਾਲ ਸ਼ਿੰਗਾਰਿਆ ਹੈ ਅਤੇ ਵੀਡੀਓ ਫਿਲਮਾਂਕਣ ਲਾਲੀ ਬੈਂਸ ਵਲੋਂ ਬਹੁਤ ਖੂਬਸੂਰਤੀ ਨਾਲ ਕੀਤਾ ਗਿਆ ਹੈ। ਗੀਤ ਦੇ ਵੀਡੀਓ ਨੂੰ ਖਾਸ ਤੌਰ ਤੇ ਵਾਹਵਾਹੀ ਮਿਲ ਰਹੀ ਹੈ। ਗਾਇਕ ਮਾਂਗਟ ਸਾਬ ਨੇ ਸਰੋਤਿਆਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦਿਆਂ ਕਿਹਾ ਕਿ ਜਲਦੀ ਹੀ ਹੋਰ ਨਵੀਂਆਂ ਪੇਸ਼ਕਾਰੀਆਂ ਲੈ ਕੇ ਸਰੋਤਿਆਂ ਦੀ ਕਚਿਹਰੀ ਵਿਚ ਪੇਸ਼ ਹੋਣਗੇ।
Comments
Post a Comment