ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਨੇ ਮਾਰਚ,2022 ਦੇ ਆਖ਼ਰੀ ਸੱਤ ਸਾਹਿਤਕ ਪ੍ਰੋਗਰਾਮ ਕਰਵਾਏ

ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਨੇ ਮਾਰਚ,2022 ਦੇ ਆਖ਼ਰੀ ਸੱਤ ਸਾਹਿਤਕ ਪ੍ਰੋਗਰਾਮ ਕਰਵਾਏ

      ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਅਜਿਹੀ ਪਲੇਠੀ ਸਾਹਿਤ ਸਭਾ ਬਣ ਗਈ ਹੈ ਜਿਸ ਨੇ ਸਮਾਜ ਦੇ ਲਗਭਗ ਹਰ ਚਰਚਾ ਯੋਗ ਵਿਸ਼ੇ ਨੂੰ ਆਧਾਰ ਬਣਕੇ ਪ੍ਰੋਗਰਾਮ ਕਰਵਾਏ ਹਨ। ਇੱਥੇ ਜ਼ਿਕਰਯੋਗ ਹੈ ਕਿ ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਨੇ ਆਪਣਾ 107ਵਾਂ ਪ੍ਰੋਗਰਾਮ 23 ਮਾਰਚ, 2022 ਨੂੰ  'ਸ.ਭਗਤ ਸਿੰਘ ਅਤੇ ਉਨ੍ਹਾਂ ਦੀਆਂ ਕਿਤਾਬਾਂ' ਵਿਸ਼ੇ ਅਧੀਨ ਕਰਵਾਇਆ। ਜਿਸ ਵਿੱਚ ਮਹਿਮਾਨ ਵਕਤਾ ਵਜੋਂ ਜਸਕਰਨ ਆਜ਼ਾਦ ਨੇ ਸ਼ਿਰਕਤ ਕੀਤੀ ਅਤੇ ਸ.ਭਗਤ ਸਿੰਘ ਦੀਆਂ ਲਿਖੀਆਂ ਕਿਤਾਬਾਂ 'ਤੇ ਚਰਚਾ ਕੀਤੀ। ਇਸੇ ਦਿਨ 108ਵਾਂ ਪ੍ਰੋਗਰਾਮ 'ਸ.ਭਗਤ ਸਿੰਘ, ਰਾਜਗੁਰੂ ਤੇ ਸੁਖਦੇਵ ਨੂੰ ਯਾਦ ਕਰਦਿਆਂ' ਵਿਸ਼ੇ 'ਤੇ ਕਰਵਾਇਆ। ਜਿਸ ਵਿੱਚ ਉੱਤਰੀ ਭਾਰਤ ਦੀ ਸਿਰਮੌਰ ਸੰਸਥਾ ਲਾਇਲਪੁਰ ਖ਼ਾਲਸਾ ਕਾਲਜ, ਜਲੰਧਰ ਦੇ ਪੰਜਾਬੀ ਵਿਭਾਗ ਦੇ ਮੁਖੀ ਡਾ. ਗੋਪਾਲ ਸਿੰਘ ਬੁੱਟਰ ਹੁਰਾਂ ਸ਼ਿਰਕਤ ਕੀਤੀ ਅਤੇ ਤਿੰਨੇ ਦੇਸ ਭਗਤਾਂ ਦੀਆਂ ਜੀਵਨ ਗਾਥਾਵਾਂ ਅਤੇ ਨਾਇਕਤਵ ਬਾਰੇ ਚਰਚਾ ਕੀਤੀ।

         24 ਮਾਰਚ, 2022 ਨੂੰ 109ਵਾਂ ਸਮਾਗਮ 'ਕਾਵਿ-ਪਰਾਗਾ' ਸਿਰਲੇਖ ਅਧੀਨ ਕਰਵਾਇਆ ਗਿਆ ਕਵੀ ਦਰਬਾਰ ਹੈ। ਜਿਸ ਵਿਚ ਹਰਸਿਮਰਤ ਕੌਰ, ਡਾ. ਸਤਿੰਦਰਜੀਤ ਕੌਰ ਬੁੱਟਰ, ਪ੍ਰੋ. ਪਰਮਜੀਤ ਰੂਪ, ਅਮਰ ਪਰਮਿੰਦਰ, ਪ੍ਰੀਤ ਲੱਧੜ ਅਤੇ ਪ੍ਰੋ. ਜਸਵੀਰ ਸਿੰਘ ਸ਼ਾਇਰ ਨੇ ਆਪਣੀਆਂ ਕਾਵਿ ਰਚਨਾਵਾਂ ਸੁਣਾਈਆਂ। ਇਸੇ ਦਿਨ 110ਵਾਂ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਪ੍ਰੋ.ਬਲਵਿੰਦਰ ਸਿੰਘ ਦੌਲਤਪੁਰਾ ਹੁਰਾਂ 'ਸਵੈ ਰੁਜ਼ਗਾਰ ਦੇ ਮੌਕੇ' ਵਿਸ਼ੇ 'ਤੇ ਆਪਣੇ ਵਿਚਾਰ ਪ੍ਰਗਟਾਏ। ਇਸ ਉਪਰੰਤ 25 ਮਾਰਚ,2022 ਨੂੰ 111ਵਾਂ ਪ੍ਰੋਗਰਾਮ 'ਗੁੱਸਾ : ਕਾਰਨ ਅਤੇ ਹੱਲ' ਵਿਸ਼ੇ 'ਤੇ ਕਰਵਾਇਆ ਗਿਆ। ਜਿਸ ਵਿੱਚ ਮੁੱਖ ਵਕਤੇ ਵਜੋਂ ਸਮਾਜ ਸੇਵੀ ਰਾਜੂ ਸੋਨੀ ਹੁਰਾਂ ਸ਼ਿਰਕਤ ਕੀਤੀ। ਇਸੇ ਦਿਨ ਦੇ ਅਗਲੇ ਪ੍ਰੋਗਰਾਮ 'ਕਾਵਿ-ਤਰੰਗਾਂ' ਵਿੱਚ ਛੇ ਕਵੀਆਂ ਲਸ਼ਕਰੀ ਰਾਮ ਜੱਖੂ - ਕੁਵੈਤ, ਸੋਹਣ ਸਿੰਘ ਗੈਦੂ - ਕਨੇਡਾ, ਪ੍ਰੀਤ ਲੱਧੜ, ਜਸਪ੍ਰੀਤ ਕੌਰ ਅਤੇ ਹਰਪ੍ਰੀਤ ਕੌਰ ਸਮੇਤ ਇਸ ਸਭਾ ਦੇ ਪ੍ਰਧਾਨ ਪ੍ਰੋ. ਜਸਵੀਰ ਸਿੰਘ ਸ਼ਾਇਰ ਨੇ ਆਪਣੀਆਂ ਕਾਵਿ-ਰਚਨਾਵਾਂ ਸਾਂਝੀਆਂ ਕੀਤੀਆਂ।

           ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਦਾ 113ਵਾਂ ਪ੍ਰੋਗਰਾਮ 'ਗੁਰੂ ਨਾਨਕ ਸਾਹਿਬ ਜੀ ਦੀ ਮਹਿਮਾ ਦੇ ਗਾਣ' ਸਿਰਲੇਖ ਅਧੀਨ ਕਰਵਾਇਆ ਗਿਆ। ਜਿਸ ਵਿੱਚ ਪਹਿਲੀ ਪਾਤਸ਼ਾਹੀ ਨੂੰ ਸ਼ਬਦ ਗਾਇਨ ਕਰਕੇ ਯਾਦ ਕੀਤਾ ਗਿਆ। ਇਸ ਪ੍ਰੋਗਰਾਮ ਵਿੱਚ ਤਰੁਨਪ੍ਰੀਤ ਸਿੰਘ ਨੇ ਆਪਣੀਆਂ ਸੁਰਾਂ ਨਾਲ ਸਭ ਦਾ ਦਿਲ ਜਿੱਤ ਲਿਆ। ਇਸ ਦੌਰਾਨ ਲਫ਼ਜ਼ਾਂ ਦੀ ਦੁਨੀਆ ਸਾਹਿਤ ਸਭਾ, ਨਕੋਦਰ ਦੇ ਪ੍ਰਧਾਨ ਪ੍ਰੋ. ਜਸਵੀਰ ਸਿੰਘ 'ਸ਼ਾਇਰ' ਹੁਰਾਂ ਦੱਸਿਆ ਕਿ ਸਾਡੀ ਸਭਾ ਵੱਲੋਂ ਹੁਣ ਤੱਕ 113 ਸਮਾਗਮ ਕਰਵਾਏ ਜਾ ਚੁੱਕੇ ਹਨ।ਜਿਨ੍ਹਾਂ ਵਿੱਚ ਸਮਾਜ ਦੇ ਹਰ ਵਿਸ਼ੇ ਨੂੰ ਘੋਖਣ ਤੋਂ ਲੈ ਕੇ, ਸਿਰਜਣਾਤਮਕ ਪੱਧਰ ਤੱਕ ਵਖਿਆਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।ਉਨ੍ਹਾਂ ਇਹ ਵੀ ਦੱਸਿਆ ਕਿ ਸਭਾ ਦੇ ਸਾਰੇ ਸਮਾਗਮ ਸੰਸਥਾ ਲਫ਼ਜ਼ਾਂ ਦੀ ਦੁਨੀਆ ਦੀ ਕਿੱਤਾਮੁਖੀ ਇਕਾਈ ਐੱਲ.ਡੀ.ਡੀ. ਐਜੂਕੇਸ਼ਨਲ ਹੱਬ, ਨਕੋਦਰ ਵੱਲੋਂ ਹੀ ਸਪਾਂਸਰ ਕੀਤੇ ਗਏ ਹਨ। ਇਹ ਸਾਰੇ ਪ੍ਰੋਗਰਾਮ ਐੱਲ.ਡੀ.ਡੀ.  ਟੀ.ਵੀ. 'ਤੇ ਲਾਇਵ ਟੈਲੀਕਾਸਟ ਕੀਤੇ ਗਏ।